امریکی صدر ڈونلڈ ٹرمپ نے کہا ہے کہ امریکہ نے نیٹو کے دفاع کے لیے اربوں ڈالر خرچ کیے، لیکن جب امریکہ کو ضرورت پڑی تو نیٹو غائب رہا۔ اوول آفس میں گفتگو کرتے ہوئے صدر ٹرمپ نے برطانیہ کی بھی تنقید کی اور کہا کہ برطانوی وزیراعظم کیئر سٹارمر کی جانب سے جنگی طیارے بھیجنے کا اعلان بروقت نہیں تھا۔
صدر ٹرمپ نے مزید کہا کہ ایران کے ساتھ موجودہ تنازعہ اب اپنے آخری مراحل میں داخل ہو چکا ہے اور جنگ جلد ختم ہو جائے گی کیونکہ وہ دنیا میں جنگ کے خواہاں نہیں ہیں۔ اُن کے مطابق ایران میں مظاہروں کے دوران 32 ہزار افراد ہلاک ہوئے اور ایرانی قیادت پُرتشدد ہے۔ ایران مشرقِ وسطیٰ میں اپنی بالادستی قائم کرنا چاہتا ہے اور اگر اس کے پاس ایٹمی ہتھیار ہوتے تو وہ انہیں امریکہ کے خلاف استعمال کر سکتا تھا۔
ٹرمپ نے زور دیا کہ ایران کے خلاف کارروائی میں خارگ جزیرے کے تیل کے ذخائر کو نشانہ بنایا جا سکتا ہے، جو ایران کی معیشت کے لیے اہم ہیں، اور اب جنگ میں بہت کم کچھ باقی رہا ہے، جس سے ظاہر ہوتا ہے کہ حالات تیزی سے کسی نتیجے کی طرف بڑھ رہے ہیں۔
