پاکستان سپر لیگ (پی ایس ایل) کے گیارہویں ایڈیشن کا پہلا مرحلہ مکمل ہوگیا، دوسرے مرحلے کا آغاز کل سے کراچی میں ہوگا۔
تفصیلات کے مطابق پہلے مرحلے میں لاہور کے قذافی اسٹیڈیم میں شیڈول 14 میں سے 13 میچز کھیلے گئے جبکہ ایک بارش کی نذر ہوگیا۔
پہلے مرحلے کے اختتام پر ملتان سلطانز کی ٹیم 8 پوائنٹس کے ساتھ پہلی پوزیشن پر موجود ہے۔
کراچی کنگز 6، اسلام آباد یونائیٹڈ 5 اور لاہور قلندرز کی ٹیم 4 پوائنٹس کے ساتھ بالترتیب دوسری سے چوتھی پوزیشن پر موجود ہیں۔
پشاور زلمی 3 پوائنٹس کے ساتھ پانچویں اور کوئٹہ گلیڈی ایٹرز کی 2 پوائنٹس کے ساتھ چھٹی پوزیشن ہے۔
ایونٹ میں پہلی مرتبہ حصہ لینے والی راولپنڈیز 4 اور حیدرآباد کنگزمین 3 میچز کھیل کر صفر پوائنٹ کے ساتھ بالترتیب ساتویں اور آٹھویں پوزیشن پر ہیں۔
