سلمان خان کا وہ ایک فیصلہ کونسا تھا جس نے ان کا کیرئیر بچالیا؟

بالی وڈ کے دبنگ اداکار سلمان خان نے کہا ہےکہ گیم شو ’دس کا دم‘ نے مجھے ایک ایسے فیصلے سے بچا لیا جس پر بعد میں پچھتاوا ہو سکتا تھا۔
سلمان خان نے حال ہی میں ماضی کی یادیں تازہ کرتے ہوئے بتایا کہ میں نے 2008 میں نشر ہونے والے گیم شو دس کا دم کی میزبانی ابتدا میں قبول کرنے سے انکار کردیا تھا۔
60 سالہ اداکار جو ان دنوں بگ باس سیزن 20 کی میزبانی کے باعث خبروں میں ہیں، انہوں نے بتایا کہ میرے والد سلیم خان نے اس فیصلے میں اہم کردار ادا کیا۔
بگ باس کے شرکا کو اپنی زندگی کی مثال دیتے ہوئے سلمان خان نے کہا کہ میں آپ کو اپنی زندگی کی مثال دینا چاہتا ہوں، میں نے ’میں نے پیار کیا‘ اور کئی دوسری فلمیں کیں، پھر ایک شو ملنے کے بعد میں ٹی وی پر آیا۔
انہوں نے کہا کہ اس وقت میرے بارے میں ہر طرف بہت منفی باتیں ہو رہی تھیں، عدالتی مقدمات سے لے کر رشتوں اور میری فلموں تک ہر معاملے پر بات ہو رہی تھی۔
اداکار نے مزید بتایا کہ میرے خلاف اتنی باتیں کی جا رہی تھیں کہ میں نے دس کا دم شو کرنے سے انکار کردیا تھا، ہر اخبار اور ٹی وی چینل مجھے ہر طرف سے تنقید کا نشانہ بنا رہا تھا، میں نے اپنے والد سے بات کی اور ان سے مشورہ مانگا تو انہوں نے مجھے کہا کہ میں یہ شو کروں اور شو میں خود کو ویسا ہی پیش کروں جیسا میں ہوں۔
سلمان خان نے کہا کہ دس کا دم کی میزبانی کے بعد لوگوں نے میری سابقہ فلموں کو تقریباً فراموش کردیا اور سب کی توجہ اسی شو پر مرکوز ہوگئی۔
واضح رہے کہ گیم شو دس کا دم نے سلمان خان کی پبلک امیچ تبدیل کرنے میں اہم کردار ادا کیا اور ان کے کیرئیر میں ایک اہم موڑ ثابت ہوا تھا۔