اسلام آباد وفاقی کابینہ نے اعلیٰ بیوروکریسی کے لیے گزشتہ چار برسوں میں دوسری بار خصوصی الاؤنس کی منظوری دیتے ہوئے اس مقصد کے لیے 1.8 ارب روپے مختص کر دیے، جبکہ دوسری جانب سرکاری ملازمین کی تنخواہوں میں صرف 7 فیصد اضافہ کیا گیا اور مالی سال 2026-27 کے لیے کفایت شعاری اقدامات میں بھی توسیع کر دی گئی۔
ایکسپریس ٹریبیون میں شائع ہونے والی شہباز رانا کی رپورٹ کے مطابق یہ فیصلہ 12 جون کو بجٹ کی منظوری کے لیے ہونے والے خصوصی کابینہ اجلاس میں کیا گیا، تاہم کابینہ ڈویژن نے اس کی تفصیلات 17 جولائی کو جاری کیں۔ اس سے قبل جون 2022 میں وزیراعظم شہباز شریف نے اعلیٰ افسران کے لیے 150 فیصد ایگزیکٹو الاؤنس کی منظوری دی تھی۔
